Thanks to visit codestin.com
Credit goes to vaagespel.no

Billettar TBA

Røyster mellom to land

Vågespel

Som eit lappeteppe presenterer Vågespel ein mosaikk av forteljingar, kvar ei fargerik scene frå liva til kvinner som utvandra frå Vestlandet til Amerika mellom 1825 og 1925. Henta frå brev, dagbøker og lydfesta intervju teiknar mosaikken eit samansett bilete av liv levde mellom to verdar – liv forma av arbeid og song, tap, von og tru.

Framsyning

Vågespel på scenen: opplev Røyster mellom to land som ei levande framsyning bygd over utvandrarkvinner frå Vestlandet sine liv og røyster.


Premiere 8. mars – meir informasjon kjem.

Podkast

Vågespel er ein podkast i 10 episodar der me fylgjer norske kvinner som utvandra frå Vestlandet til Amerika mellom 1825 og 1925. Brev, dagbøker og munnlege forteljingar vert fletta saman med historiske kjelder for å gje deg eit nært og levande bilete av liva deira.

Forteljingar

Dokumentariske røyster frå ei anna tid: her finn du forteljingar bygd over intervju med norske kvinner som utvandra kring 1900. I tillegg deler me gjesteartiklar og kvinneperspektiv på kvardagsliv, arbeid og samfunn mellom 1825 og 1925.

Kjøp boka her

Vågespel frå scenen

Komande framsyningar

Planlagde datoar og stadar blir publiserte fortløpande. Følg med – fleire framsyningar blir lanserte snart.

PREMIERE 08.03 2026

TBA

Nyhende og oppdateringar

Aktuelt

Kvinnene var der

Alt i Vågespel starta med desse kvinnene.

Dei stod der i kjeldene – ikkje som store overskrifter, men som levde liv. Mellom falma blekkstrekar fann me spor av dei: mødre som fødde born på opne hav, døtrer som kryssa prærien med støv i håret, kvinner som bar framtida medan verda velta rundt dei.

Me fylgde desse spora.
Og medan me leita etter dei, dukka fleire kvinner opp – som om dei ropte frå kvar si tid, kvar si jord, kvar si forteljing. Éi røyst leidde til ei anna. Eit liv opna døra til neste. Slik vaks Vågespel: frå ei handfull skjebnar til eit kor av kvinnestemmer.

Desse kvinnene er kjernen.
Utgangspunktet.
Rotfestet me alltid vender attende til.

Gjennom podkasten, artiklane, boka – og no musikken og framsyninga – ber dei oss vidare. Dei syner at historia ikkje berre er forteljingane me arvar, men forteljingane me finn når me verkeleg lyttar.

Det er dei som held tråden.

Me er dei som nøstar.

Les meir

Sådd i fortida, hausta i framtida – ei forteljing om dei store linene bak Vågespel

Vågespel vaks ikkje fram frå enkelt liv – men frå ei rørsle som strekte seg over hav, århundre og samfunnsskifte. Når me leita i brev, dagbøker, og intervju frå norske utvandrarkvinner, oppdaga me fort at liva deira låg som små frø i ei langt større jord: den norske og amerikanske kvinnehistoria.

Denne teksten syner bakteppet deira.
Krafta dei stod midt i – og krafta dei var ein del av.

For medan Gjertrud, Lina, Margreta og dei andre bygde sine liv på prærien eller i byane, vart det andre stader kjempa kampar som forma verda dei levde i: røyster som kravde rettar, kvinner som sprengde grenser, revolusjonar som starta i det stille – ved eit kjøkenbord, i eit klasserom, på eit torg.

Her møter du dei historiske straumane som rann under og rundt utvandrarkvinnene. Kven som bar fakkelen før dei, kven som gjekk ved sida av dei – og kven som kom etter.

Ei reise mellom to land.
Ei reise mellom to kvinnehistorier.
Ei reise som endå ikkje er over.

Les meir