Чӑваш патшалӑх академи драма театрӗ пӗр билет туяннипех спектакль те пӑхма, театрпа паллаштаракан экскурсире пулса курма та май пурри пирки пӗлтерет.
«Пӗтӗм тӗнче – театр» экскурсипе пӗрле спектакль валли пӗр билет туянма пулать иккен.
«Юпа уйӑхӗн 24-мӗшӗнче сире чаршав хыҫӗнчи асамлӑ тӗнчене кӗрсе курма, бутафори, декораци, тумтир хатӗрлекен цехсенче пулма, залсене, тӗп сценӑна тӗрлӗ ҫӳллӗшрен пӑхса тӗлӗнме йыхравлатпӑр!
Экскурси хыҫҫӑн вара «Ҫимӗк каҫӗ» юрӑллӑ-ташӑллӑ камит пӑхса киленме май пур!» — хыпарланӑ культура учрежденийӗ халӑх тетелӗнчи хӑйӗн пабликӗнче.