RAJAWI 7A9I9I ghay39l 3la had tifo, room 101, li hyya lbit fin kay3ddbou nas fwahd
lktab dyal George Orwell li smmah 1984. 3lach wla kifach, ghanchoufo hadchi fhad
lmolkhas, li bgha lktab ra ghadi yl9ah f google 3ta lah les pdfs.
1984 kayhdr 3la totalitarianism, wlla " "االستبدادية الشموليةbl3rbya, ila glna totalitarian
governement wlla dawla stibdadya chomolya, ra kan3niw biha wahd l governement li
kayt7km FL7AYAT DNNAS bga3 les details dyalhom,
y3ni dwla, kat7kkm f kifach ay wahed kaydwz kolla d9i9a mn nharou soit fzn9a fdarou
wlla flw9ita li ykoun kaymars ayy NACHAT khass bih, kat7kkm f m3amn khssou yt3aml
wla yhdr, wlla htta chnou ymknlih ygoul w chnou lla, w lkhayba w s3iba fhadchi,
hyya annaho had nou3 mn lgovernements maki7bsouch hna,ta ra kay7awlou yt7kmou f
httta f fach nta katfekker wla bach kat2amn.
sa7bna george kteb had lktab fllkhr dyal 40s, w l afkar li kanou 3ndou 3la
tolitarianism jayyin mn dkchy li kan 3arf 3la l TI7AD SOVIATI ou NAZYYIN; had jouj
kanou yalleh banou dik sa3a dkchy elach george, wlla nas en general fdik lw9ita
makanouch fahminhoum mzyan, w george mlli kteb had lktab kan bgha ybyn kifach
ghatwelli wahd dwla 7ORRA bhal ngliz fin kan 3aych, ila 7kmatha nazyya wla soviat.
lmdina li kaydouro 3liha l a7dat dyal lktab hyya london, w deja had smyya d 1984
jabha hitach zm3ma kaytswwr lmost9bal kifach ghadi ykoun,awlla london kifach ghadi
twelli ( w who knows asahbi, ila kan lmultiverse bs7 kayn, wl infinite
possibilities li y9drou yw93ou, wahd l universe daba ra w93 fih hdchi li flktab bs7
) ghir hwaa had london li flktab, maghadich tbghi tkmml fiha 9raytk wlla t7rg liha
b flouka bach dir T7sin nasl gha nsa, LMAKLA dima 9lila, w maghat7mlch takelha asln
bsbab dak l3fn dyalha, htta mn l7wayj li ylbsou nnas bach ydouro wla yt7rkou
makafyinch, w asln lmdina brasha katban, MEHLOUKA, koulchi fiha mehlouk mn ghir
wahd lbinayat dyal dwla 9edd sekht, kaybanou darbin f s9ef dyal ssma, had lmdina
fiha wahd l7rb nayda, wlkn ta wahed mn l3amma mafahem dyalach wla 3layach had l7rb,
mrra mra kaybanlk chi saroukh hbet mn ssma ghir hkak bach tchettet fbnadm, hadi
machi hya akhyb haja fhad lmdina. in fact A9WED haja hyya annaho dwla, katferrej
fkolla wahd chkaydir 24/24, w mnin mma dzti atl9a wjeh dyal wahd syyd smitou KHOUYA
LKBIR m3l9 f postira mktoub fiha, KHOUYA LKBIR RAH 7ADIK, Big brother is watching
you,
had lmdina fiha LMKHZN WLA LBOLIS DYAL l afkar, ah bhal hkka dl afkar, lli 3ndhoum
camerat w microyat mkhbb3in fgaa3 lblays ou l9nat, dwla kat7dik hta f darek mn
l'ecran dyal tlfaza, dkchy 3lach ila tfitiha, ghadi ttfa m3aha hta nta.
mn ghir had l7 li mafahminhach nas w ma mn 799kch tfhemha, kaynin bzaf dlhwayj
akhrin li maymknch lik dirhoum, w ila drtihoum kaylou7ok fwahd lmo3skar tkhdm bzzez
mnk, hada brasou fin yban chi 7ebs, chi hwayj lli vraiment y9drou ybanoulk bsat,
bhal ykouno 3ndk 3chran, ma mn 79kch ti7 fchi khtna wla tbghi chi haja, mmnou3
tla9a bchi bent w dwz w9ita 7amimia m3a bnt kat3jbk, y3niii, gaa3 had ta9a w had l
a7asis, khbb3houm ll PARTY, l party lli hyya dwla hhh, w kaynin 3awtani chi hwayj
li BZZEZ khsk dirhoum,
